THYMALLUS

THYMALLUS

Piscis adeo boni odoris, ut thymum videatis olfacere, unde et nomen, ut omnino perperam apud Isidorum timallus scribatur, Origin. l. 12. c. 6. De eo Ambros. Hexaemer. l. 5. c. 2. Neque te inhonor atum -- Thymalle dimittam, cui a flore nomen inolevit: seu Ticint te unda fluminis, seu ameoni Athesis unda nutrierit, flos es. Denique sermo testatior, -- Aut piscem olet, aut florem: ita idem pronuntiatus est piscis odor esse, qui floris. Quid specie tuâ gratius, quid suavitate iucundius, quid odore fragrantius? Quod mella fragrant, hoc tu corpore spiras. Nec odore modo: vel specie, placet; sed e tiam sapore Salvianô de Piscibus teste; qui et maiores praefert elixos ac butyro conditos, minores autem assos. Idem, sed adversante Gesnetô, negat opus esse, ut eximantur intestina, quia felle careant. Gerh Ioh. Voss. de Idolol. l. 4. c. 30.